„Страшно и жално е тоа што се случува во скопската Зоолошка градина. Местото кое до пред три години беше на сите насловни страници во светсите медиуми, кое беше пример за добар менаџмент и грижа за животните, ВМРО-ДПМНЕ и нивната најдобра менаџерка Данела го претворија во хорор филм“, велат од СДСМ.
„Последните информации дека угинала слоницата Даела за која нема никаква јавна информација од кои причини е кулминација на негрижата и уништувањето на ова прекрасно место. Видеото кое кружи по социјалните мрежи од транспортот на животното до Дрисла е врв на изживувањето.
Во последните месеци и години угинаа многу животни, две жирафи, тигар, коњи и други животни.
ВМРО-ДПМНЕ и Мицкоски, кои Данела Арсовска на граѓаните им ја продадоа како најдобрата менаџерка, а потоа се скараа заради бизнис интереси, треба да одговараат за оваа нечовечност.
Скопје е град кој тоне во хаос, во ѓубре, каде владее негрижа и нечовечност и единствени виновни за оваа состојба се ВМРО-ДПМНЕ и Мицкоски“, се наведува во соопштението на СДСМ.
Текстот „Најдобрата менаџерка Данела и ВМРО-ДПМНЕ ја претворија Зоолошка во хорор филм“, велат од СДСМ е превземен од МАКФАКС.
