Општина Ѓорче Петров со интензивно темпо продолжува да гради нова инфраструктура за жителите на Ѓорче Петров. На крак на улица “35” во Волково се поставува нова канализациона мрежа во должина од 250 метри.
Увид во градежните работи денеска изврши градоначалникот на Општина Ѓорче Петров, Александар Стојкоски кој нагласи дека граѓаните конечно добиваат квалитетни услови за живот, по високи стандарди.
– Со овој проект се обезбедуваат достоинствени услови за живот на нашите сожители. Се обезбедува соодветен третман на одпадните води и се избегнуваат несакани последици по домовите на нашите граѓани. Во наредниот период ќе продолжиме со напорна работа. Нашите сожители заслужуваат подобри услови за живот, рече Стојкоски.
Децениските проблеми, додаде, конечно се решаваат, а граѓаните ќе живеат во урбани услови.
– Тоа е нашата тенденција, Ѓорче Петров да стане урбано јадро и граѓаните да немаат повеќе проблеми со елементарни прашања, подвлече Стојкоски.
Текстот Нова канализациска мрежа во Волково е превземен од МАКФАКС.
