Шпанските власти истражуваат човек кој оштетил илјадници години стари слики од пештера. Имено, тој решил да ги полие со вода за да добие подобри, односно поостри фотографии.
39-годишен маж од Андалузија објавил неколку фотографии од полиени со вода, слики од пештерата на Фејсбук, објави во саботата Шпанската цивилна гарда, пренесе Си-ен-ен.
Кога официјалните лица ги виделе фотографиите на интернет, веднаш покренале истрага, имајќи предвид дека овие слики, лоцирани на различни локации во планинскиот венец Сиера Сур де Жан, се заштитени.
„Фотографиите покажуваат дека сликите од пештерата се полни со вода за да се добијат подобри, поостри фотографии со посилен контраст“, се вели во соопштението на цивилната гарда.
Кога неименуван човек истурил вода врз овие пештерски уметнички дела, настанала штета. Имено, сликите се направени на варовник, кој содржи соли растворливи во вода. Кога варовникот е покриен со вода, солите се раствораат и излегуваат на површината, создавајќи слој кој ги оштетува сликите.
Текстот Шпанец истурил вода врз древни пештерски слики, сакал да добие подобри фотографии за Фејсбук е превземен од МАКФАКС.
