Во текот на ноќта, вооружените сили на Украина извршија серија напади врз цели во Русија, како и на окупираниот Крим.
Откако руските власти објавија дека постои закана од масовен напад со беспилотни летала на регионот Липецк, на воениот аеродром беа активирани експлозивни направи, а погодена е и енергетската инфраструктура. Дошло до прекин во снабдувањето со електрична енергија.
Во округот Липецк беше воведена вонредна состојба за отстранување на последиците од активирањето на експлозивните направи, а четири населени места беа евакуирани.
Lipetsk airfield… Detonation https://t.co/Lm2dWv8Lvt pic.twitter.com/yEepzaYWKB
— MAKS 24 (@Maks_NAFO_FELLA) August 9, 2024
„Липецк претрпе масовен напад со беспилотни летала. Експлозивни направи беа активирани далеку од цивилни објекти. Од падот на дронот беше оштетен објект на енергетската инфраструктура. Има прекин во снабдувањето со електрична енергија“, изјави гувернерот на Липецкиот регион, Ихор Артамонов.
Large explosions are currently taking place at Lipetsk Airbase in Russia located 282km from Ukraine
The air bases has Su-34s, MiG-29s, Su-25s, and at times 2x Su-57s pic.twitter.com/67nwegTn7l
— Ukraine Battle Map (@ukraine_map) August 9, 2024
Набрзо на социјалните мрежи почнаа да се шират повици до граѓаните да го напуштат Липецк. Локалното население извести за силни експлозии на воениот аеродром. Околу 2 часот по московско време, во градот Липецк и округот беше прогласено црвено ниво на предупредување.
Министерството за вонредни ситуации на регионот Липецк потврди дека избувнал пожар на воениот аеродром. По неколку часа, Артамонов објави дека црвеното ниво на предупредување се укинува, но дека нивото на жолта закана ќе остане на сила за целиот регион Липецк.
Massive explosions coming from the Lipetsk air base after UAVs struck the area.
Local authorities have declared a state of emergency, residents of 4 settlements located near the airfield are being evacuated. Public transport in the city is not running.
Source: Astra pic.twitter.com/XiuwlRzroN
— (((Tendar))) (@Tendar) August 9, 2024
„Црвеното ниво на закана е подигнато за градот Липецк и округот Липецк. Службите за итни случаи продолжуваат да работат на местото на настанот. Јавниот превоз во градот и областа ќе биде обновен во блиска иднина. Затворањата на патиштата постепено се отстрануваат“, напиша Артамонов на својот канал на Телеграм, објавувајќи дека ќе го посети евакуираното население.
Повиците на социјалните мрежи за евакуација на целиот град беа дел од кампањата за психолошка војна на Украина, додаде Артамонов. Украинските власти не известија за никакви напади на областа Липецк.
Силни експлозии и пожари се забележани и во градот Рилск во областа Курск, потврдија каналите на Телеграм поврзани со Русија. Тие на социјалните мрежи шират и видеа од Рилск на кои наводно се гледа уништен конвој руски воени возила.
Oktyabrsk, Rylsk District, Kursk Region
Russian column on fire pic.twitter.com/KHUZTNusiK
— MAKS 24 (@Maks_NAFO_FELLA) August 8, 2024
Украинските сили на почетокот на оваа недела влегоа во регионот Курск, по што избија борби со руски војници. Путин го опиша упадот како „провокација од големи размери“ и тврди дека украинските војници извршуваат напади врз цивилната инфраструктура.
Михаил Развозаев, гувернер на окупираниот Севастопол назначен од Русија, објави дека руските сили собориле противбродска ракета Нептун и уништиле неколку поморски беспилотни летала за време на нападот во текот на ноќта на полуостровот.
Проукраинскиот канал на Телеграм, Кримски Ветер објави за пукотници и силна експлозија во областа Евпаторија, како и за работата на руската воздушна одбрана во областа на аеродромот Белбек.
Chornomorsk, Crimea
Z-channels write that Ukrainian maritime drones are attacking. https://t.co/7DyVfEdd74 pic.twitter.com/KE8NG6zzul
— MAKS 24 (@Maks_NAFO_FELLA) August 8, 2024
Гувернерот на Белгородската област изјави дека и неговиот регион бил нападнат со беспилотни летала, поради што бил запален хангарот на индустриска компанија, а биле оштетени две куќи. Тој истакна дека во нападот нема жртви и дека итните служби работат на терен.
„Силите за воздушна одбрана соборија вкупно 29 беспилотни летала над територијата на регионот. Во градот Стари Оскол искршени се прозорци и оштетени се покриви, фасади и огради на две приватни куќи.
Во градот Нови Оскол се запали хангар во простории на индустриско претпријатие. Вработените во Министерството за вонредни состојби кои пристигнале на местото на настанот го изгаснале пожарот“, изјави Вјачеслав Гладков.
Текстот (Видео) Жесток ноќен напад врз Русија, експлозии на аеродром, воен конвој во пламен е превземен од МАКФАКС.
