Министерството за внатрешни работи најостро го осудува оштетувањето на спомен плочата кај Карпалак поставена во спомен на загинатите припадници на безбедносните сили во 2001 година и ја известуваме јавноста дека се преземаат сите потребни мерки и активности за расчистување на случајот и најстрого санкционирање на сторителот.
„Во 11.05ч. во СВР Тетово е пријавено дека е оштетена спомен плочата поставена кај Карпалак. По расчистување на случајот, соодветно ќе ја известиме јавноста“, велат од МВР.
Министерството за одбрана соопшти дека презема активности за поставување нова спомен плоча, најбрзо што може.
– Во поглед на поставување спомен обележје на месноста „Карпалак“, информираме дека во изминатите седум години, преземени се иницијативи за поставување спомен обележје, што не се во согласност со законската регулатива од оваа област. Имено, не е земено предвид дека местото каде што е предвидено да се постави споменикот, е, заштитен појас каде може да се градат објекти во функција на автопатот и постојано се добивани негативни одговори од надлежните институции. Односно се преземени активности за да не се направи апсолутно ништо, пишува во објавата.
Само еден ден откако вчера бранителите заедно со владини делегации и претставници на семејствата на загинатите кај Карпалак ја одбележаа 23 годишнината од масакрот, денеска спомен плочата поставена во нивна чест е остранета.
Текстот Оштетена е спомен плочата на загинатите бранители кај „Карпалак“ е превземен од МАКФАКС.
