Претседателот на Венецуела Николас Мадуро денеска изјави дека потпишал резолуција за блокирање на пристапот до платформата за социјалните медиуми Икс во земјата на 10 дена.
Мадуро често се бунеше против сопственикот на „Икс“, Илон Маск од претседателските избори во земјата на 28 јули.
¡Fuera X por #10Días de Venezuela! En nuestro país hay Constitución, Ley, Instituciones y Estado. 10 días para que presente sus recaudos. Qué se acaben los planes en redes para sembrar violencia, odio y de atacar a #Venezuela desde el exterior. El #PuebloVenezolano merece… pic.twitter.com/0EuMnQKtHH
— Nicolás Maduro (@NicolasMaduro) August 9, 2024
Мадуро и изборните власти рекоа дека претседателот освоил трет мандат на изборите, иако опозицијата тврди дека победила и вели дека преброените гласови може да го докажат тоа. Ниту Мадуро, ниту изборното тело не објавија детални вкупни гласови.
Во деновите по гласањето, избија протести низ земјата и во странство, барајќи Мадуро да се повлече и да ја почитува победата на опозицискиот кандидат Едмундо Гонзалес.
Протестите беа силно промовирани на социјалните мрежи.
Левичарскиот претседател претходно оваа недела ги замоли своите приврзаници да ја напуштат апликацијата за пораки Ватсап во корист на Телеграм или ВиЧат, велејќи дека апликацијата се користи за да им се закануваат на семејствата на војниците и полицајците.
Мадуро и по изборите јавно се судри со Маск.
Текстот (Видео) Мадуро го блокираше Икс на десет дена, им порача на поддржувачите да се префрлат на Телеграм е превземен од МАКФАКС.
