Стив Кер, селекторот на кошаркарската репрезентација на САД, го оцени како тежок полуфиналниот натпревар на Олимписките игри во кој неговата репрезентација ја совлада Србија (95:91).
Американците во краток период двапати на турнирот ја победија Србија, но за разлика од дуелот во групата, во полуфиналето едвај се спасија од пораз. Србите фантастично играа 36 минути, константно водеа и тоа со двоцифрена разлика. На крајот пресуди Стеф Кари кој постигна 36 поени.
„Тежок натпревар, тоа го очекувавме. Србија е многу добра репрезентација со добар тренер. Тешко е да се победи еден тим три пати, двапати на овој турнир. Одиграа феноменален натпревар, не очекував три тројки на Аврамовиќ во првото полувреме“, рече Кер и дополни.
„Пресуден беше нашиот моментум, притисокот си го направи своето, секогаш ми е жал за тимот што губи, низ мојата кариера. Ги видов српските играчи како плачат, направија се, дадоа се за победа, но не успеаја. Ова е еден од најдобрите кошаркарски натпревари. Бев загрижен за време на натпреварот Никола Јокиќ е најдобриот играч на планетата, а српската репрезентација е секогаш меѓу најдобрите во светот. Губевме долго време, но имавме токму толку од времето за да се вратиме и победиме“, заклучи Кер.
Текстот Кер: Бев загрижен, ова не го очекував е превземен од МАКФАКС.
