Во скопската населба Ѓорче Петров во текот на ноќта бил запален автомобилот на Драган Митковски, кој се сметаше за еден од најблиските соработници на градоначалничката Данела Арсовска.
Во информацијата од СВР Скопје за „Макфакс“ се вели дека возилото „мерцедес А-класа“ било опожарено околу 3 часот по полноќ, а е во сопственост на фирма.
Од пожарот зафатени биле и автомобилите „хјундаи“ и „сузуки свифт“ во делот на браниците и ретровизорите.
Поранешни соработници на Арсовска за „Макфакс“ потврдија дека односите меѓу неа и Митковски во последно време се изладени, а се верува и дека Арсовска сменила неколкумина директори, кои се сметаат блиски до него.
Митковски на последните избори беше и носител на листа од редовите на нејзината партија.
Текстот Запален автомобилот на Драган Митковски, кој важеше за најблизок соработник на Данела Арсовска е превземен од МАКФАКС.
