Горан Пандев (41), еден од најдобрите македонски фудбалери на сите времиња, речиси целата своја кариера ја мина во Италија. Таму ја освои тројната круна со Интер предводен од Жозе Мурињо, два пати го освои Купот на Италија со Наполи, а остави голема трага во Лацио и Џенова.
Во емисијата „Моите топ 11“ се присети на својот тежок почеток во Италија и на човекот кој му помгнал. .
Во сезоната 2003/04, тога 20-годишниот Пандев дојде во Анкона, каде ѕвезда беше десет години постариот Мики Рапаиќ. Пандев го стави во идеалниот тим на на кариерата, а објасни и зошто: „Милан Рапаиќ бидејќи додека бев во Анкона многу ми помогна во кариерата. Имав финансиски проблеми бидејќи клубот не ни ги исплаќаше платите и тој ме зеде да да живеам кај него Тој е прекрасен човек и пријател.
Бев дете кое не зема плата и немав пари, па не можев да си ја платам киријата. Потоа ме покани да живеам кај него и останав таму половина година. Тој исто така ме „турна“ во тимот. Тренер ни беше Џовани Галоне, кој го тренираше Рапаиќ во Перуџа, а Мики му рече:
„Мистер, гледате како му оди на малиот на тренинг, пушти го да игра“. А потоа дојде првиот натпревар против Болоња. Пред натпреварот Мики ми приоѓа и ми вели: Мали, денес играш од прва, не ме разочарувај! Јас му дадов гол на Џанлука Паглиука, не го разочарав“.
Текстот Пандев: Рапаиќ ми помогна многу кога ми беше најтешко во Италија е превземен од МАКФАКС.
