Нема повеќе обвинители и судии што се на услуга на криминалните бизнис-елити, истакна пратеникот од ВМРО-ДПМНЕ, Бојан Стојаноски, на денешната прес-конференција запрашан за тоа каков е планот на ВМРО-ДПМНЕ со 40-те препораки од оценската мисија на ЕУ за реформи во Судскиот совет дали ќе се имплементираат сега или ќе се чека евентуално распуштање на Советот?
Тој продолжи и додаде:
„Распуштањето на Советот е мерка од која не се откажуваме, впрочем, тоа беше и наше ветување пред граѓаните, кое доби поддршка. Во меѓувреме, треба да се има предвид дека отпорот за ваквиот чекор е најголем од оние на кои им служи скапаниот судско-обвинителски систем и на кои им одговараат институциите под 2 процента доверба“, посочи Стојаноски.
Тој потенцира дека секој предлог и идеја, што ќе значи промена, се добредојдени, но воедно тоа не значи и откажување од заложбата да се променат и подобрат работите.
Текстот Распуштањето на Судскиот совет е мерка од која не се откажуваме, вели Стојаноски е превземен од МАКФАКС.
