Дваесет и тригодишнината од потпишувањето на Охридскиот договор денеска ќе биде одбележана на два различни настани – едниот владин, другиот на ДУИ.
Владата ќе одржи свечена седница со почеток од 13 часот, на која е предвидено обраќање на премиерот Христијан Мицкоски и првиот вицепремиер и министер за животна средина Изет Меџити.Ќе биде одржана и панел-дискусија во Клубот на пратениците, на организација на Министерството за животна средина и просторно планирање. Настанот на тема „23 години од Рамковниот договор, децентрализацијата останува предизвик” ќе почне во 10 часот, а ќе продолжи вечерта со свечен прием во Музејот на современа уметност во Скопје.
ДУИ организира одделен настан што ќе се одржи во 12:00 часот во хотелот „Александар палас“ во Скопје.
Охридскиот рамковен договор беше потпишан на 13 август 2001 година, ставајќи крај на воениот конфликт. Договорот го потпишаа тогашниот претседател Борис Трајковски, премиерот и лидер на ВМРО-ДПМНЕ, Љубчо Георгиевски, лидерот на СДСМ, Бранко Црвенковски, на ПДП, Имер Имери и на ДПА, Арбен Џафери. Договорот го потпишаа и специјалните претставници на ЕУ и на САД, Франсоа Леотар и Џејмс Пердју.
Текстот Се одбележуваат дваесет и три години од Охридскиот договор – власта и ДУИ на различни прослави е превземен од МАКФАКС.
