Конор Галагер, фудбалерот на Челзи, се уште не знае каде ќе ја продолжи кариерата.
Медиумите на Островот пренесуваат дека челниците на Челси му наредиле на играчот да се врати во Лондон од Мадрид по пет дена чекање да се комплетира трансферот во Атлетико Мадрид.
Шпанците претходно се договорија со Челзи да платат 40 милиони евра, но откако на „Метрополитано“ пристигна Хулијан Алварез од Манчестер Сити, ќе мора да продадат еден играч, пред да го купат Галагер.
Интересно е што новиот менаџер на Челзи, Енцо Мареска не смета на него во новата сезона, но добил порака да се врати во Англија додека не се реши ситуацијата.
Челзи е многу активен на пазарот ова лето и се уште не е готово, а заинтересирани се и за неколку играчи од Атлетико.
Главниот фокус е на напаѓачот Жоао Феликс, кој во сезоната 2022/23 играше за сините како позајмен играч и постигна четири гола на 20 натпревари.
Што ќе биде со Галагер останува да видиме, но како што стојат работите се ќе зависи од следните потези на Атлетико поврзани со продажбата на своите играчи.
Текстот Тешки денови за Галагер, Челси му нареди да се врати во Лондон е превземен од МАКФАКС.
