Младиот и талентиран досегашен член на младинската школа на Вардар, Лука Трпевски (10) е нов член на тимот на Црвена Звезда.
Откако мина дел од школата на нашиот најтрофеен клуб, очигледно дека талентот и потенцијалот на малиот Лука е препознаен онаму каде што изникнаа и израснаа десетици светски фудбалски звезди. На популарната Маракана. Лука веќе е дел од својот нов клуб (во средина на сликата), напорно тренира, работи и се наметнува на многуте мечеви кои Црвена Звезда ги игра периодов.
Тој ќе има можност да се развива под водство на врвни стратези и стручњаци под кои во големи играчи израснаа, и еден Лука Јовиќ и уште многу во изминатиот педиод, а кои беа дел од школата на Звезда.
Во дресот на Црвена Звезда во изминатиот период поминаа многу македонски интернационалци што во младинската школа што во првиот тим, но за жал ниту еден од нив не успеа да се наметне како стандарден и да остави белег како некогашните наши фудбалски ведети, Дојчиновски, Најдоски, Канатлароски, Панчев. Нашиот народ, често знае да каже дека Звезда долго време го чека новиот Дарко Панчев, а да се надеваме дека ете токму Лука Трпевски со напорна работа и развивање на својот талент ќе ги достигне успесите на некогашната „Златната копачка“ на Европа.
Трпевски како што е ред во секој нов клуб, за добредојде мораше да отпее една песна пред своите соиграчи, а не може поубаво да се претставиш било каде во светот од извезда на „Македонско девојче“.
Лука, со среќа!
