Американското Федерално биро за истраги (ФБИ) објави дека добило пристап до телефонот на Томас Метју Крукс, кој е осомничен дека пукал во поранешниот американски претседател и републикански претседателски кандидат Доналд Трамп, додека продолжува да го истражува неговиот мотив за злосторството.
Во соопштението се вели дека прелиминарниот преглед на неодамнешните повици и пораки на телефонот на Крукс не го расветлил неговиот мотив.
ФБИ соопшти дека истрагата за пукањето во саботата е сè уште во рана фаза и дека пукањето се третира како атентат и можен чин на тероризам.
„Техничките специјалисти на ФБИ успешно добија пристап до телефонот на Томас Метју Крукс и продолжуваат да ги анализираат неговите електронски уреди“, се вели во соопштението.
Се нагласува дека биле извршени целосни претреси во живеалиштето и возилото на осомничениот, пренесе Ројтерс.
ФБИ соопшти дека спровеле речиси 100 интервјуа со учесниците на митингот и други сведоци. Претставници на ФБИ во неделата изјавија дека сè уште не откриле мотив за убиството на Трамп. Официјалните лица истакнаа дека пиштолот што го користел напаѓачот бил легално купен од неговиот татко и дека нема индикации дека осомничениот имал некакви психички проблеми.
На митинг во Батлер, Пенсилванија, во саботата вечерта, Трамп беше застрелан во десното уво, еден од неговите поддржувачи беше убиен, а други двајца беа ранети. Агенти на тајната служба го убиле 20-годишниот Крукс.
Текстот ФБИ го истражува телефонот на осомничениот за атентатот на Трамп е превземен од МАКФАКС.
