За Русија, ништо добро не излезе од претседателствувањето на Доналд Трамп од 2017 до 2021 година, но барем имаше дијалог меѓу Москва и Вашингтон, соопшти денеска Кремљ.
Портпаролот на Кремљ, Дмитриј Песков, во конференциска врска со новинарите одговори на изјавата на Трамп за неговиот минат работен однос со рускиот претседател Владимир Путин.
„За време на Трамп беа наметнати само повеќе ограничувања за Русија“
„Што се однесува до тоа дали (Путин и Трамп) се согласуваат или не, ништо добро не е направено за Русија кога Трамп беше претседател нна САД“, рече Песков.
„Напротив, беа наметнати само повеќе ограничувања (на Русија). Но, и покрај тоа, имаше дијалог. Тоа веројатно може да се смета за позитивен елемент“, додаде тој.
Песков рече и дека Русија и Путин се теми што традиционално се појавуваат за време на изборните кампањи во САД.
Текстот Кремљ: Ништо добро не е направено за Русија за време на Трамп е превземен од МАКФАКС.
