Температурите во јужна Франција денеска ќе надминат 40 степени, а висок ризик од пожари има и во регионот околу Марсеј, како и во Италија и Шпанија.
Се очекува денеска температурата во областа околу шпанскиот град Кордоба да достигне до 43 степени.
Италијанското Министерство за здравство предупреди на топлотни бранови во 17 градови, вклучувајќи ги Рим, Фиренца и Палермо.
Прогнозите укажуваат дека во Грција се очекува слично време за време на викендот, пренесува Блумберг.
Грција и земјите од Балканот се деловите од Европа кои се најпогодени од високите температури ова лето, но бранот сахарски воздух сега се шири над поголемиот дел од Медитеранот.
Климатските промени го зголемуваат интензитетот и зачестеноста на топлотните бранови, предизвикувајќи екстремни временски настани од бури и поплави до суши и пожари, вели Блумберг, пренесува Танјуг.
Текстот Висок ризик од пожар поради високите температури во јужна Франција, Италија и Шпанија е превземен од МАКФАКС.
