Како дополнителна програма во рамки на јубилејното 45. издание на манифестацијата „Скопско лето“, утревечер – 23.07.2024г. (вторник) – ќе се одигра театарска претстава „Веселинови“ во Сули ан со почеток во 20:30 часот.
Претставата е комедија, во продукција на Драмско студио „Бронзена наметка“ – Штип.
Играат: Оле Поцкова – Весела
Игор Стојанов-Баркли – Веселко
Интерпретација на песна: Нела Гегова
Претставата е авторски проект на Т. Кацаров.
Весела и Веселко не се надвор од аглите и замките што ги поставува семејниот живот. Повеќе се противречни отколку категорични. Се плашат како деца и си играат како деца. Не ретко тонат во проблеми што извираат од плитките џепови, оддалеченоста од децата, од ноктите на државните грабливци. Плачливи се и тврдокорни. Напати се мили, напати се неподносливи. И во двата случаја се интересни, истакнува организаторот.
Текстот „Веселинови“ во рамки на манифестацијата „Скопско лето“ е превземен од МАКФАКС.
