Триесет и девет полицајци се повредени во немирите на десничарските екстремисти по смртоносниот напад со нож во англискиот град Саутпорт. Регионалната спасувачка служба соопшти дека 27 од повредените полицајци се хоспитализирани.
Три девојчиња на возраст од 6, 7 и 9 години беа убиени во нападот со нож во понеделникот (29 јули). Осум деца и двајца возрасни се делумно тешко повредени. Децата го посетуваа курсот како дел од нивниот одмор. Потоа, според организаторите, имало своевиден час по танц и јога на тема Тејлор Свифт која на Инстаграм напиша дека е „потресена“.
Учесниците во немирите фрлаа цигли кон џамија, запалија автомобили и канти за ѓубре и оштетија локална продавница, соопшти полицијата.
Southport Right now. The fucking state of this country
pic.twitter.com/XhE7GUsgUo
— Michael Walsh (@thatbloodyMikey) July 30, 2024
Нападот со нож, според полицијата, го извршил 17-годишник. Мотивот се уште не е разјаснет, но истрагата не претпоставува дека се работи за тероризам. Лажните вести и гласините за потеклото на осомничениот сторител предизвикуваат конфузија, велат од полицијата, пренесе „Дојче веле“.
„Веќе информиравме дека лицето е родено во Велика Британија и во моментов шпекулациите никому не му користат“, велат истражителите.
NEW: A police van has had its windscreen smashed by bricks. Smoke bombs, bins and bottles been thrown at the police from close quarters. Some chanting “Allah. Allah. Who the **** is Allah” pic.twitter.com/FMqrD05kzq
— Josh Halliday (@JoshHalliday) July 30, 2024
Осомниченото момче живее во областа повеќе од една деценија. Роден е во Кардиф, а неговите родители се по потекло од Руанда.
„Ова не е начин да се третира заедницата, особено заедницата која сè уште страда од понеделник навечер“, рече помошник началникот на полицијата во Мерсисајд, Алекс Гос.
Британската влада, исто така, ги осуди немирите на екстремно десничарските групи.
„Оние кои со насилство и бруталност го киднапираат бдеењето за жртвите се навреда за ожалостената заедница“, напиша премиерот Кир Стармер на платформата X, додавајќи: „Тие ќе ја почувствуваат целосната сила на законот“.
Текстот (Видео) Хаос во Велика Британија поради смртта на девојчињата при нападот со нож е превземен од МАКФАКС.
