Министерство за земјоделство, шумарство и водостопанство ја повикува јавноста да биде особено претпазлива со цел спречување на пожарите.
„МЗШВ ја потсетува широката јавност да биде внимателна во периодот што следува бидејќи, како што се приближуваме до критичните периоди од сезоната на пожарите и зголемениот ризик од појава на пожари на ниво на предел, но и моментната состојба со пожарите во Македонија, од суштинско значење е јавноста да ја разбере опасноста и да преземе активни чекори за заштита на шумските екосистеми, односно животната средина и заедниците во целина.
„Земјоделски површини – неконтролирано палење земјоделско земјиште е строго забрането со закон и претставува казниво дело.
– Сериозни ризици – пожарите на ниво на предел директно ги загрозуваат човечките животи, имотот и животната средина.
– Правни последици – предизвикување пожар на отворен простор е казниво дело.
– Брзо откривање – јавноста да алармира на 112.
Совети за безбедност: Избегнување палење каков било оган за време на периоди на силен ветер или суво време; Пронаоѓање побезбедни методи за расчистување на земјиштето и отстранување на материјалот што гори.
МЗШВ ги охрабрува сите граѓани да бидат информирани и да преземат превентивни мерки за да се избегне појава на пожари на пределот.
Исто така, МЗШВ ја потсетува јавноста дека од 15.7.2024 е воведена целосна забрана за движење во шумите. За таа цел, се повикува јавноста да ја следи и да се приклучи на програмата за управување со пожарите на ниво на предел (lfmwb.net), во која Министерството е партнер-институција и активно работи на имплементација на активности и мерки дефинирани во програмата, со фокус на превенција и подготвеност во управувањето со пожарите на ниво на предел.
Работејќи заедно, можеме да го намалиме ризикот и да ја обезбедиме безбедноста на нашите домови и животната средина“, велат од Министерството.
Текстот МЗШВ: Во периодот што следува граѓаните да бидат особено претпазливи со цел спречување на пожарите е превземен од МАКФАКС.
