Либерално демократската партија (ЛДП) најостро го осудува инцидентот на скопскиот аеродром настанат при проверка на косовската претседателка Вјоса Османи.
„Како што заклучуваме од официјалните информации на Министерството за внатрешни работи, насилниот чин од страна на припадници на обезбедувањето на претседателот на Собранието кон вработените и контролорите на скопскиот аеродром, претставува сериозно загрозување по животите на луѓето кои го контролираат авио-сообраќајот, патниците и сите оние кои биле присутни во моментот на претење со огнено оружје“, велат од партијата.
Тие додаваат дека се уште не е заборавен упадот во МНАВ.
Апелираат за поголема контрола која ја засега безбедноста на луѓето, за што не е дозволено ни најмала невнимателност.
Недозволиво е било какво кршење на законите и нарушување на јавниот ред, мир и безбедносните протоколи од било кого, без разлика дали станува збор за високо позициониран функционер или носител на јавна функција.
Партијата го охрабрува ОЈО и сите засегнати институции да постапуваат согласно законите и да се расветли настанот.
Текстот ЛДП: Во кое својство реагирало обезбедувањето на Гаши при проверката на косовската претседателка Османи е превземен од МАКФАКС.
