Поради санирање на уличен дефект од ф-2 на улица „Раде Јовчевски Корч гин” бр. 26, утре прекин во водоснабдувањето ќе имаат дел од корисниците од населбата Маџир Маало во Општина Центар, соопшти ЈП „Водовод и Канализација” – Скопје.
Прекинот ќе започне во 09:00 часот и ќе трае до санирање на дефектот.
Претходно од ЈП „Водовод и Канализација” информираа дека утре без вода ќе бидат и дел од корисниците на улицата „Даме Груев” во центарот на Скопје, поради санација на дефект на затворач Ф-80 милиметри.
Како што соопштија од градскиот водовод, на улицата „Даме Груев” бб, зграда на ИНТЕКС, утре ќе се санира дефект на затворач Ф-80 мм, поради што без вода од 08:00 часот, па до санирање на дефектот, ќе останат корисниците на улицата „Даме Груев” на потегот од крстосницата со улицата „Димитрие” Чуповски до полициската станица Беко.
