Постои можност деветмина вработени во Агенцијата на Обединетите нации за помош на палестинските бегалци (УНРВА) да биле вклучени во нападот на Хамас врз Израел на 7 октомври 2023 година и да бидат отпуштени, соопштија денеска Обединетите нации.
„Собрани се доволно докази за девет лица кои укажуваат на нивната можна вмешаност во нападите на 7 октомври“, рече заменик портпаролот Фархан Хак.
Тој мислеше на заклучоците на Канцеларијата за внатрешен надзор на ОН (ОИОС), која ја заврши истрагата за наводната вмешаност на 19 членови на персоналот на УНРВА во нападите.
Сите девет осомничени се мажи. Хак не појасни како тие биле вмешани, но „за нас секое учество во нападите е огромно предавство на природата на работата што ја вршиме во име на палестинскиот народ“, рече претставникот на ОН.
Обединетите нации покренаа истрага откако Израел ја обвини УНРВА дека 12 нејзини вработени биле вклучени во нападите на Хамас на 7 октомври врз јужен Израел, кои ја предизвикаа војната во Газа.
Текстот ОН: Девет вработени во УНРВА се вмешани во масакрот на Хамас на 7 октомври е превземен од МАКФАКС.
