По освоеното олимписко злато, српскиот тенисер Новак Ѓоковиќ реши да слави. По финалето тој отиде во ресторанот Ле Сиена во Париз.
Ѓоковиќ се насмевна и им позираше на фотографите кои се собраа пред ресторанот и покажа дека дури и кога излегува го носи својот златен медал.
Новак беше опкружен со пријатели во ресторанот, а му се придружија и некои познати фаци меѓу кои актерот Демсон Идрис и кошаркарската ѕвезда Џејсон Тејтум.
Новак во финалето го победи Карлос Алкараз. Тој веднаш по победата истрча на трибините кај сопругата Јелена Ѓоковиќ и ќерката Тара.
„Ова е можеби најголемиот спортски успех во мојата кариера. Во целосен шок сум. Пресреќен сум затоа што и донесов злато на Србија“, изјави емотивниот Ѓоковиќ по мечот.
Ова е прв златен медал од Олимписките игри во кариерата на 37-годишниот српски тенисер.
Сопругата на Новак Јелена на својот Инстаграм профил објави видео во кое гордо го покажува златниот медал кој Ѓоковиќ го освои на Олимписките игри во Париз.
Текстот Ѓоковиќ победата ја прослави со пријателите во ресторан, со себе го понесе и медалот е превземен од МАКФАКС.
