Републиканскиот кандидат Доналд Трамп на својата социјална мрежа ја спомена можноста актуелниот претседател Џо Бајден да се обиде да ја врати номинацијата од неговата потпретседател Камала Харис, која во понеделникот и официјално стана кандидат на Демократската партија на претседателските избори во ноември.
Пред две и пол недели Бајден објави дека се повлекува од претседателската трка по неговиот катастрофален настап во дебатата на Си-ен-ен и притисокот на кој беше изложен внатре во партијата.
„Тој чувствува дека направил историска трагична грешка со предавањето на претседателството на Соединетите Американски Држави, државен удар, на луѓето што најмногу ги мрази во светот и тој сака да ја врати номинацијата сега“, пишува Трамп.
Харис вчера објави дека гувернерот на Минесота, Тим Волц, ќе биде нејзин потпретседател.
Трамп побрза да го коментира нејзиниот избор: „Ова е најрадикалното левичарско дуо во американската историја. Никогаш немало и нема да има“.
Текстот Трамп: Какви се шансите Бајден да се обиде да ја врати номинацијата и да ме предизвика на дебата е превземен од МАКФАКС.
