Кол Палмер го продолжи договорот со Челзи на уште две години.
Англискиот репрезентативец ќе остане на „Стемфорд Бриџ“ до јуни 2033 година, што е најдолгиот договор во светот на фудбалот.
Минатата сезона Палмер беше најефикасен кај сините, на 45 натпревари во сите натпреварувања постигна 25 гола со 15 асистенции.
Инаку, Палмер минатото лето пристигна во Челзи од Манчестер Сити кога потпиша договор до 2031 година.
Тогаш Челзи на „граѓаните“ им плати 47 милиони евра, плус уште три на име бонуси.
Палмер е еден од шесте номинирани за најдобар млад играч во Премиер лигата во сезоната 2023/24.
На листата се и Букајо Сака, Мајкл Олисе, Жоао Педро, Коби Мајну и Алехандро Гарначо, а победникот ќе биде објавен на 20 август.
Челзи веќе донесе неколку играчи ова лето, Тосин Адерабиојо (Фулам), Омари Келиман (Астон Вила), Марк Гиу (Барселона), Кирнан Дузбери-Хол (Лестер), Ренато Веига (Базел), Кејлеб Вајли (Атланта) и Арон Анселмино (Бока Јуниорс).
Текстот Кол Палмер го продолжи договорот со Челси е превземен од МАКФАКС.
