Претседателот на Демократската унија за интеграција, Али Ахмети денеска во партиското седиште во Тетово се сретна со амбасадорот на Европската Унија во Скопје, Дејвид Гир.
Соговорниците разменија мислења за Охридскиот договор, Преспа и добрососедството со Бугарија, евроинтеграциите, реформите во согласност со очекувањата на ЕУ, изборниот легитимитет.
„Претседавачот Ахмети ја елаборираше нацрт-платформата за легитимитет подготвена од авторот на Охридскиот договор Пол Вилијамс и ПИЛПГ, мислењата на локалните експерти и чекорите што ДУИ и Европскиот фронт ќе ги преземат во одбрана на легитимитетот“, информираат од ДУИ.
Ахмети зборуваше и за, како што ги наредече, тенденциозните предупредувања на премиерот Мицкоски за дестабилизација, истакнувајќи загриженост за можно намерно владино инсценирање преку обвинувања на други со цел да се дефокусира јавноста од потфрлувањата на власта.
ДУИ е посветена на стабилноста, безбедноста, мирот, добрите меѓуетнички и меѓусоседски односи како и европската интеграција и отфрла секакви монтирани политички владини обиди за дестабилизација.
Исто така, подвлече дека ДУИ останува најпосветениот партнер на Европската Унија и Соединетите Американски Држави во Северна Македонија кој што ја гледа земјата партнер и членка на НАТО и ЕУ.
Текстот Ахмети тврди дека не е вистина оти планираат дестабилизација, пред евроамбасадорот Гир рече дека ДУИ е за мир и стабилност е превземен од МАКФАКС.
