Под влијание на циклонска активност и на влажен и студен воздушен бран, утре ќе има повремени врнежи од дожд, а на планините и на повисоките места од снег, најавуваат од Управата за хидрометеоролошки работи.
Ќе дува засилен северен ветер (на места над 60км/ч), кој ќе се задржи до четврток, а температурата ќе се намали за 6 до 8 степени во споредба со денешната.
Според УХМР, во следните денови времето ќе биде стабилно со пониски утрински температури.
